عائشه مالك

هل تعرفونها ؟؟؟

انها عائشة حسن مالك .. بنت رجل الأعمال حسن مالك .. من الإخوان المسلمين

أبوها تم تحويله الي المحاكمة العسكرية بدون تهمة !!!

في نفس الوقت و في نفس اللحظة و نفس المبني الذي يحاكم فيه حسن مالك أمام المحكمة العسكرية يحاكم الجاسوس الذي خان مصر أمام القضاء المدني العادي !!!!

لم يسجن و يحاكم و يصادر أمواله ؟؟

عجبي يا مصر .. الشرفا فيكي مسجونين و ممنوعين يقولوا يحكمك اسلامنا العظيم



و اليك يا عائشة ..

أقوللك ايه بس يا قمر ؟؟

بجد أقوللك ايه ؟؟

مش عارف

بس انتي عارفه ان بابا هيرجع

وعارفه ان بابا أكرم ألف مره من أي حقير على كرسي

وعارفه ان بابا وعمو وعمو وعمو كلهم معملوش غير الصح

كنت كتبت مره تحت صورتك رساله لماما تقوللك ان بابا مسافر غصب عنه ..

بس لا

بابا مش مسافر يا عيوشة

بابا عمل زي الرسول عليه الصلاة والسلام .. فبدل ما يتضرب .. لا اتسجن

بابا عمل زي الصحابة .. و اتعمل فيه زي ما اتعمل فيهم

اتحبسوا

اخدوا فلوسهم

سرقوا شقا عمرهم

لكن كان دينهم عندهم أغلى من أي حاجه تانية

وكان ربنا أعلى عندهم من أي جبار في الارض هيموت

أنا والله بكتب لك وانا بعيط يا عيوشة

مش عشان زعلان

لا .. والله ما زعلان

أنا مقهور

حاسس بالظلم

بابا ميستحقش كده

عمو ضياء ميستحقش كده

عمو خيرت وعمو ايمن ميستحقوش كده

عمو ياسر والله ما يستحق كده

بس انا عارف ومتأكد

ان كل فجر قبله ليل

واحنا دلوقتي في اخر الليل

صدقيني يا عيوشة

بكره هنعرف كلنا .. لما يكون بابا حسن زي محمود الزهار

وعمو خيرت زي اسماعيل هنية

هنعرف انهم كان لازم يتعمل فيهم كده

مش لأنهم وحشين

لأ .. لأن دي سنة ربنا لما بيمكن لحد من عباده في الارض

عموما يا عيوشة ..

سلمي على ماما واخواتك

ولما تشوفي بابا ..

سلمي عليه كتييييير اوي













في حوار باسم مع الوالد خلف القضبان


-----------------------------------------------------------------------

و ماذا بعد .. يا شباب قولوا شيئا .. وجهوا لها حتي كلمة تشدوا أزرها .. ادعوا لها و لأبوها و اخوانه

ادعم الشرفاء و لو اختلفت معهم في الرأي .. هل سرقوا .. هل اغرقوا العبارات ؟؟ هل حرقوا القطارات ؟؟ هل أحرقوا قصر الثقافة ؟؟ هل باعوا مصر في المزاد ؟؟

موت محمد حسني سيد سيد إبراهيم مبارك (ولد في 4 مايو 1928 م

جريدة الاهرام : فقدت اليوم جمهورية مصر العربية رجل من أخلص رجالها بذل حياته من أجل بلدهوشعبه , غابت الشمس التى طالما بعثت الدفئ فى قلوب المصريين , مات المبارك محمد حسنى مباركالاخبار : وقف الزمان و اهتزت ارض المحروسة وغيم الحزن على قلوب جميع المصريين بعد وفاة المخلص الامين مباركروز اليوسف : لن ننساك يا مباركالتليفزيون المصرى يذيع أغانى وطنية و نعى لوفاة الرئيس كل 5 دقائق و لقاءات مع الفنانين كله لابس اسود و دموعه على خده ينعى القائد العظيم و يشيد بأمجاده .. التليفزيون المصرى يعلن الحداد .. مافيش أغانى .. مافيش أفلام .. كله برامج حواريه تحكى أمجاد مبارك و أفلام تسجيلية و نفس النعى كل شوية ..وجرايد المعارضه ايضا تنعيه على حياء و لكنها ايضا تسال ماذا بعد مبارك و شايف خبر فى صوت الامة يتوقع قدوم جمال و كاتب من مبارك لمبارك يا قلبى لا تحزنكل ده و اكتر منه هيحصل علنا و كلنا هنشوفه و نسمعه ... بس ايه اللى هيحصل من تحت لتحت .. تليفونات بين المسئولين و الوزراء كله عايز يطمن على كرسيه و مستقبله .. كله عايز يخلى صفحته بيضاء علشان ماحدش عارف ايه اللى جاى .. كمال الشاذلى يكلم صفوت الشريف يقوله ايه النظام يطمنه صفوت و يقوله العمليه فى جيبنا و الكرسي مش هيخرج بره الحزب .. بس سيبنا نطبخها على رواقة ... تليفونات بين رجال الاعمال و الناس اللى فوق كلع عايز يأمنله ضهر يتسند عليه ويحميه وقت اللزوم لو المستخبى بانأسبوع و التانى مافيش تصريحات كله بيسأل ايه اللى هيحصل ... تشتد المعارضه و المظاهرات تطالب بانتخابات حرة نزيهه و تندد بالتوريث .... تزداد الاعتقالات ... كل من يتكلم فى السياسة مصيرة الضرب و السحل حفاظا على أمن البلد فى هذه الفترة العصيبةينزل خبر يعلن بدء الانتخابات بعد شهرين من تاريخه و اخر موعد للتقديم بعد أسبوعين بشروط كذا و كذا ... الكل يعترض ازاى مش هنلحق .. لازم تمدوا الفترة و الشروط مستحيلة .. ترد الحكومة المؤقتة مصر فى حالة عدم استقرار و مافيش وقت و اللى مش قادر يقعد على جنب .. مطلوب فى شهرين جمع ميزانية للحملة الانتخابية و تجهيز برنامج النتخابى و تنفيذه .... ويتقدم الحزب الوطنى بمرشحه الجاهز جمال مبارك ... تثور المعارضه ... ازاى .. ظلم .. كفاية .. كفاية ... يرد جمال انا مواطن مصرى من حقى الترشيح للرئاسة مثل أى احد من خلال النتخابات حرة نزيهة و ليس توريث كما يدعي بعض الجهلة ... يتقدم للترشيح بعض الاراجوزات الديكور ..شوية بتوع مالهمش لازمة .. و تزيد المعارضه و يزيد الضرب و السحل و الاعتقالاتوفى النهاية يفوز جمال مبارك بنزاهة و شرف ... و يلقى بعض الخطب الرنانة يعد فيها الشعب المصرى بالتغيير و التقدم ... ناس تسقف ناس تعترض ناس تكبر دماغها و تقول احنا مالناوفى الاخر طلعنا شعب لمؤاخذة .... مختوم على قفاه ... وبكره نشوف

(منقووول)

طريق القاهره اسكندريه الزراعي اففففففففففففف

يااه يا جماعه علي طريق القاهره اسكندريه الزراعي طريق زي الزفت كله حوادث بصراحه انا عمري ما شفت حوادث بالكميه دي ,حاجه تغم

المشكله ان معظم الحوادث جماعيه يعني مش عربيه واحده او اتنيين اللي عامليين حادثه لا مجموعات , كان اخرها وانا جاي 8عربيات باختلاف انواعهم واحجامهم في حادثه جماعيه

انا مش عارف اييه اللي خلاني اكتب عن الموضووع ده , عموما انا حبييت افضفض تصبحو علي خييير

من هو *كرم جبر* ليتحدث عن المدونون

كرم جبر ( رئيس مجلس اداره روز اليوسف انسان تافه عديم الرؤيه للمستقبل ظلمه من جعله كاتب ) تحدث اخيرا عن المدونون ووصفهم بـأبـنـاء الـشـوا رع . ليسمح لي المدونون ان ارد ممثلا عنهم وانا اصغر من ان امثلهم, تحدث كرم عن المدونين قائلا انهم ابناء شوارع , نعم اؤكد له اننا ابناء الشوارع المصريه والعربيه بفئاتها المختلفه نحن المدونون المصريون اعضاء مجلس الشارع المصري نحن الرأي العام ,نحن نمثل الفئات الكادحه المنهوبه المطحونه.نحن المدونون ابناء الشوارع المصريه, أأكد لك انك اصبت الحقيه بنيه سيئه وتلك الحقيقه تزيدنا تصميما علي اكمال الطريق .

واخيرا اسمح لي او لاتسمح بأن اسالك سؤال :المدونون ابناء الشارع المصري تلك حقيقتنا ماذا عنك يا استاذ كرم؟؟؟؟ارجو الرد

قضيه إيهاب مجدي فاروق(ضحيه كليب الضرب علي القفا في قسم شرطه امبابه

ايهاب مجدي فاروق انسان مصري شاءت الظروف ان يدخل قسم شرطه امبابه لاي سبب كان وحدث معه ما حدث من ضربه علي قفاه وشاءت الظروف ان يتسرب الكليب الي الشارع المصري وعندما اشتكي ايهاب الي الصحافه وفور نشر الخبر علي جريده المصري اليوم انتقلت قوه من قسم امبابه الي منزله والقت القبض علي زمجته ووالده واحتجزتهم في القسم خمس ساعات بعد ان تمكن من الفرار ثم احتجزو اخيه الاصغر محمد كرهينه حتي يسلم ايهاب نفسه واخيرا تم القبض علي ايهاب وتم اتهامه باربع قضايا سرقه دفعه واحده

__________________

اترك لكم التعليق

اللص ببلادي

بالتمادي . . . يصبح اللص بأوربا مديراً للنوادي،
,

وبأمريكا، زعيماً للعصابات وأوكار الفساد،

,
وبأوطاني اللتي من شرعها قطع الأيادي

,

.يصبح اللص . . . زعيماًُ للبلاد

,,,,,,,,,,,,,,,,,,,,,,,,,,,,,,,,,,,,,

شاعر الحريه

احمد مطر

بلادي بلادي بلادي لك حبي وفؤادي
مصر يا أم البلاد أنت غايتي والمراد
وعلي كل العباد كم لنيلك من أيادي
مصر يا أرض النعيم فزت بالمجد القديم
مقصدي دفع الغريم وعلي الله اعتمادي
مصر أنت أغلي درة فوق جبين الدهر غرة
يا بلادي عيشي حرة واسلمي رغم الأعادي
مصر أولادك كرام أوفياء يرعوا الزمام
سوف نحظي بالمرام باتحادهم واتحادي
بلادي بلادي بلادي لك حبي وفؤادي

كفايه كفايه كفايه خلاص زهقنا من الحكايه
مصر يا ام البلاد بينهشوا فيكي الكلاب و انتشر فيكي الفساد..
كفايه كفايه كفايه خلاص زهقنا من الحكايه
حسني باعك .. للامريكان وإدّى اليهود على ارضك امان بيبــرطعوا .. فيها من زمان واحنا جينا نقول كفايه
كفايه كفايه كفايه خلاص زهقنا من الحكايه
ليه يا شعب انت ساكت عليه وسكوتك انت .. مهوّن عليه من ارضنا ملى جيبه و ايديه

خلاص ياحسني بنقول كفايه
كفايه كفايه كفايه خلاص زهقنا من الحكايه
يالا بينا نزيح اللي خانو سابنا لعبه للامريكان خلاص يا رّيس .. الوقت حان خلاص زهقنا من الولايه
كفايه كفايه كفايه خلاص زهقنا من الحكايه
سرقتوا خيرها و بعتوها ليه وسبتوا شعبها .. يبكي عليه كفايه نهب في حقّه يا بيه خلاص زهقنا من الحكايه